മാര്‍ച്ച് 20
ചരിത്രസംഭവങ്ങള്‍
1602 - ഡച്ച് ഈസ്റ്റ് ഇന്ത്യാ കമ്പനി സ്ഥാപിതമായി.
1739 - നദീര്‍ ഷാ ദില്ലി കീഴടക്കി, നഗരം കൊള്ളയടിച്ചു. മയൂരസിംഹാസനത്തിലെ രത്നങ്ങള്‍ മോഷ്ടിച്ചു.
1861 - പടിഞ്ഞാറന്‍ അര്‍ജന്റീനയിലെ മെന്‍ഡോസ നഗരം ഒരു ഭൂകമ്പത്തില്‍ പൂര്‍ണമായി നശിച്ചു.
1916 - ആല്‍ബര്‍ട്ട് ഐന്‍സ്റ്റീന്‍ ആപേക്ഷിക സിദ്ധാന്തം പ്രസിദ്ധീകരിച്ചു.
1956 - ടുണീഷ്യ ഫ്രാന്‍സില്‍ നിന്നും സ്വാതന്ത്ര്യം നേടി.
1964 - യുറോപ്യന്‍ സ്പേസ് ഏജന്‍സിയുടെ മുന്‍ രൂപമായിരുന്ന യുറോപ്യന്‍ സ്പേസ് റിസര്‍ച്ച് ഓര്‍ഗനൈസേഷന്‍ സ്ഥാപിതമായി.
1986 - ജാക്ക് ഷിറാക് ഫ്രാന്‍സിന്റെ പ്രധാനമന്ത്രിയായി.
1995 - ജപ്പാനിലെ ടോക്യോ സബ്‌വേയിലെ സാരിന്‍ വിഷവാതക ആക്രമണത്തെതുടര്‍ന്ന് 12 പേര്‍ മരിക്കുകയും 1300-ല്‍ അധികം പേര്‍ ഗുരുതരാവസ്ഥയിലാകുകയും ചെയ്തു.
2003 - അമേരിക്കയും സഖ്യരാജ്യങ്ങളും ഇറാഖിനെതിരെ സൈനിക ആക്രമണം തുടങ്ങി.
മാര്‍ച്ച് 19
ചരിത്രസംഭവങ്ങള്‍
1279 - യാമെന്‍ യുദ്ധത്തിലെ മംഗോളിയന്മാരുടെ വിജയം ചൈനയിലെ സൊങ്ങ് രാജവംശത്തിന്റെ വാഴ്ചക്ക് അന്ത്യം കുറിച്ചു.
1915 - പ്ലൂട്ടോയുടെ ഛായാചിത്രം ആദ്യമായി എടുത്തു.
1944 - രണ്ടാം ലോകമഹായുദ്ധം: നാസികള്‍ ഹംഗറി കീഴടക്കി.
1972 - ഇന്ത്യയും ബംഗ്ലാദേശും ഒരു സൗഹൃദ ഉടമ്പടിയില്‍ ഒപ്പുവച്ചു.
2004 - തായ്‌വാന്‍ പ്രസിഡണ്ട് ചെന്‍ ഷുയ്-ബ്യാന് തെരഞ്ഞെടുപ്പു പ്രചരണത്തിനിടെ വെടിയേറ്റു.
ചരമവാര്‍ഷികങ്ങള്‍
1998 - മുന്‍ കേരള മുഖ്യമന്ത്രി ഇ.എം.എസ്. നമ്പൂതിരിപ്പാട്‌
2008-ആര്‍തര്‍ സി. ക്ലാര്‍ക്ക് അന്തരിച്ചു.
2008 - തെന്നിന്ത്യന്‍ ചലച്ചിത്ര നടന്‍ രഘുവരന്‍ അന്തരിച്ചു.
മാര്‍ച്ച് 18
ചരിത്രസംഭവങ്ങള്‍
1438 - ഹാബ്സ്ബര്‍ഗിലെ ആല്‍ബര്‍ട്ട് രണ്ടാമന്‍ ജര്‍മനിയിലെ രാജാവായി.
1850 - ഹെന്രി വെത്സ്, വില്ല്യം ഫാര്‍ഗോ എന്നിവര്‍ ചേര്‍ന്ന് അമേരിക്കന്‍ എക്സ്പ്രസ് ആരംഭിച്ചു.
1913 - ഗ്രീസിലെ ജോര്‍ജ് ഒന്നാമന്‍ രാജാവ്, പുതിയതായി രൂപീകരിക്കപ്പെട്ട തെസ്സലൊനികി എന്ന നഗരത്തില്‍ വച്ച് വധിക്കപ്പെട്ടു.
1922 - സിവില്‍നിയമലംഘനത്തിന് മഹാത്മാഗാന്ധിയെ ആറുവര്‍ഷത്തെ തടവിന് ശിക്ഷിച്ചു.
1940 - രണ്ടാം ലോകമഹായുദ്ധം: ഹിറ്റ്ലറും മുസ്സോളിനിയും ആല്പ്സ് പര്‍വതനിരയിലെ ബ്രെന്നെര്‍ ചുരം എന്ന സ്ഥലത്തുവച്ച് സന്ധിച്ച്, ബ്രിട്ടണും ഫ്രാന്‍സിനും എതിരെ ഒരു സഖ്യം രൂപീകരിക്കാനുള്ള ധാരണയിലെത്തി.
1945 - രണ്ടാം ലോകമഹായുദ്ധം: 1,250 അമേരിക്കന്‍ ബോബര്‍ വിമാനങ്ങള്‍ ജര്‍മനിയിലെ ബെര്‍ലിന്‍ ആക്രമിച്ചു.
1965 - ശൂന്യാകാശസഞ്ചാരിയായ അലെക്സീ ലിയോനോവ്, ആദ്യമായി ശൂന്യാകാശനടത്തം നടത്തി.
1989 - 4,400 വര്‍ഷം പഴക്കമുള്ള ഒരു മമ്മി ഈജിപ്തിലെ ചെപോസ് പിരമിഡില്‍ നിന്നും കണ്ടെത്തി.
2003 - അമേരിക്ക ഇറാഖില്‍ യുദ്ധം ആരംഭിച്ചു.
മാര്‍ച്ച് 17
ചരിത്രസംഭവങ്ങള്‍
624 - ബദ്‌ര്‍ യുദ്ധത്തില്‍ മുഹമ്മദ് നബി തന്റെ മെക്ക എതിരാളികളുടെ മേല്‍ ഒരു പ്രധാന വിജയം കൈവരിച്ചു.
1845 - റബര്‍ ബാന്റ് പെറ്റന്റ് ചെയ്യപ്പെട്ടു.
1891 - ബ്രിട്ടീഷ് ആവിക്കപ്പല്‍ എസ്.എസ്. ഉട്ടോപിയ ജിബ്രാള്‍ട്ടര്‍ തീരത്ത് മുങ്ങി 574 പേര്‍ മരിച്ചു.
1948 - നാറ്റോ ധാരണാപത്രത്തിന്റെ മുന്നോടിയായ ബ്രസല്‍സ് ഉടമ്പടിയില്‍ ബെനെലക്സ്, ഫ്രാന്‍സ്, യു.കെ. എന്നീ രാജ്യങ്ങള്‍ ഒപ്പു വച്ചു.
1950 - കാലിഫോര്‍ണിയ സര്‍‌വകലാശാലയിലെ ഗവേഷകര്‍ 98 അണുസംഖ്യയുള്ള മൂലകം നിര്‍മ്മിച്ചു. ഇതിന്‌ അവര്‍ കാലിഫോര്‍ണിയം എന്ന് പേരു നല്‍കി.
1958 - അമേരിക്ക വാന്‍‌ഗ്വാര്‍ഡ് 1 ഉപഗ്രഹം വിക്ഷേപിച്ചു.
1959 - പതിനാലാമത് ദലൈലാമ, ടെന്‍സിന്‍ ഗ്യാറ്റ്സോ ടിബറ്റില്‍ നിന്നും ഇന്ത്യയിലേക്ക് പലായനം ചെയ്തു.
1969 - ഗോള്‍ഡാ മേയര്‍ ഇസ്രയേലിന്റെ ആദ്യ വനിതാപ്രധാനമന്ത്രിയായി.
1992 - അര്‍ജന്റീനയിലെ ബ്യൂണസ് അയേഴ്സിലെ ഇസ്രയേല്‍ നയതന്ത്രകാര്യാലയത്തിനു നേരെയുണ്ടായ ഒരു കാര്‍ ബോംബ് സ്ഫോടനത്തില്‍ 29 പേര്‍ മരിക്കുകയും 242 പേര്‍ക്ക് പരിക്കേല്‍ക്കുകയും ചെയ്തു.
2003 - ഇറാഖിനെതിരെയുള്ള യുദ്ധസന്നാഹത്തില്‍ പ്രതിഷേധിച്ച് ബ്രിട്ടീഷ് കാബിനറ്റ് മന്ത്രി റോബിന്‍ കുക്ക് രാജി വച്ചു.
മാര്‍ച്ച് 16
ചരിത്രസംഭവങ്ങള്‍
ബി.സി.ഇ. 597 - ബാബിലോണിയര്‍ ജെറുസലേം പിടിച്ചടക്കി, ജെഹോയിയാക്കിനെ മാറ്റി സെദേക്കിയായെ രാജാവാക്കി.
1190 - കുരിശുയുദ്ധക്കാര്‍ യോര്‍ക്കിലെ ജൂതന്മാരെ കൂട്ടക്കൊല ചെയ്യാന്‍ ആരംഭിച്ചു.
1521 - ഫെര്‍ഡിനാന്‍ഡ് മാഗല്ലന്‍ ഫിലിപ്പൈന്‍സിലെത്തി.
1792 - സ്വീഡനിലെ ഗുസ്താവ് മൂന്നാമന്‍ രാജാവിന്‌ വെടിയേറ്റു. മാര്‍ച്ച് 29-ന്‌ അദ്ദേഹം മരിച്ചു.
1818 - കാഞ്ച റായദ യുദ്ധം: ജോസെ ഡി സാന്‍ മാര്‍ട്ടിന്റെ നേതൃത്വത്തിലുള്ള ചിലിയെ സ്പാനിഷ് പട പരാജയപ്പെടുത്തി.
1935 - വെഴ്സായ് ഉടമ്പടി ലംഘിച്ച് ജര്‍മ്മനി ആയുധങ്ങള്‍ സ്വരുക്കൂട്ടുന്നതിന്‌ അഡോള്‍ഫ് ഹിറ്റ്ലര്‍ ഉത്തരവിട്ടു.
1939 - ബൊഹേമിയ-മൊറേവിയ ജര്‍മ്മന്‍ പ്രൊട്ടക്റ്ററേറ്റ് ആണെന്ന് ഹിറ്റ്ലര്‍ പ്രേഗ് കോട്ടയില്‍ നിന്നും പ്രഖ്യാപിച്ചു.
1945 - ബ്രിട്ടീഷ് ബോംബര്‍ വിമാനങ്ങള്‍ 20 മിനിറ്റിനുള്ളില്‍ ജര്‍മ്മനിയിലെ വര്‍സ്ബര്‍ഗ് നഗരം 90 ശതമാനത്തോളം നശിപ്പിച്ചു. 5000-ത്തോളം പേര്‍ മരിച്ചു.
1963 - അഗങ് അഗ്നിപര്‍‌വ്വതം പൊട്ടിത്തെറിച്ച് ബാലിയില്‍ 11,000 പേര്‍ മരിച്ചു.
1976 - യു.കെ. പ്രധാനമന്ത്രി ഹാരോള്‍ഡ് വില്‍സണ്‍ രാജി വച്ചു.
2005 - ഇസ്രയേല്‍ ജെറീക്കോയുടെ നിയന്ത്രണം ഔദ്യോഗികമായി പാലസ്തീനിനിനു നല്‍കി.
2006 - ഐക്യരാഷ്ട്ര മനുഷ്യാവകാശസമിതി രൂപീകരണത്തിനായി ഐക്യരാഷ്ട്ര പൊതുസഭ ഐക്യകണ്ഠേന തീരുമാനിച്ചു.
Posts
Post a Comment